आत्महत्याको पत्र

आत्महत्याको पत्र 

xxxxxxxxxxx 

-समदर्शी काइँला 

Monday, May 10, 2010 at 6:00am

आफ्नो भएभरको जायजेथा- 
आँशु, पसिना र अन्तर्वेदनाको खिचि्रमिच्री बोकेर 
बेचबिखन गर्न र जिजीविषाको चारो जोहो गर्न 
'बहुरङ्ग' सपनाको हाटमा जादा- 
सुक्रीबिक्री फरिफार्छे नभएर 
यो 'नियाँस्रो आइतबार' समसाँझ ! 
म मरुभूमिको लामो पच्याङबाटो हिडेर 
एक फोक्टा अन्तरीपको डीलमा उभिएको छु। 

र ,चिद्वैषम्यताले एकोहोरो सोचिरहेछु- 
जीवन फगत काकाकूलको तिर्खैतिर्खा! 
जीवन फगत मृगमरीचिकाको गिर्खैगिर्खा! 

मेरो म -को अस्तित्व 'ओएसिस फुट्यो 
र बुच्चियो यौटा बालुवाकणले।' 

भूइकुहिरोको बाक्लो बर्काे ओढेर 
दिनमान रोइरहने 
उज्यालोको चर्काेघाम भन्दा 
अध्याँरोको झाङमा फुल्ने जूनफूल! 
मलाई सर्वपि्रय लाग्दैछ। 


हृदयको कानले प्रस्ट सुन्दैछु- 
चकमन्न रातको कत्ति मीठो संगीत! 
हाराकिरी! हाराकिरी ! हाराकिरी! 
हा.. रा.. कि.. री 
हा.. रा.. कि.. र 
हा.. रा क 
हा.रा 
हा... 


'बहुरङ्ग' सपनाको एकदिने हाट भर्ने 
एकहूल मान्छेहरु! 
हतार हतार फर्किरहेछन् 
आ आफ्नो घरतिर 
मनोहर पानीडुङ्गामा। 

एकहूल सुनामी लहरहरु! 
सुटुक्क आएर 
मन लफलफ भिजाएर जान्छ। 

तेस्पिछ 
समुद्रको अथाह गहिराइमा 
लटरम्म फकि्ररहेको जूनफूल टिप्न 
म अन्तरीप डिलबाट- 
झ्वाम्म फालहानेर झरंे। 

xxxxxxxxxxxxxxxx